通頂完 朝頭早都ok 但係通頂果3個女仔就唔得了~包括 阿沛 女教師 sinman 都勁眼睏 女教師第一眼見到佢仲面青青tim ...... 之後我地等埋 琛 威威 就去左唱k囉 入到k房個個好似返到屋企張床咁=.= 睏晒係到 難怪的..少通頂的人係會好辛苦 通頂過d女仔都特別燥低 @o@ 尤其係女教師 今日勁講粗口 爸爸媽媽爺爺麻麻都拎晒出黎講 -0- 不過唱左一陣之後個個都差唔多精神晒囉~ 唱到興起仲企係張椅到tim 哈哈.. 之後marco就帶著一個呆滯既樣入左黎 成碌木咁坐左係到 冇咩眼神 原來佢訓練 練到病左.... 早幾都講話練到好攰 e+仲要病埋 7個人坐到2:30鐘到就返學囉 仲話係返學 返到學校對住個伍sir都睏著左囉 睏埋sm咁就放學 唱k果陣我係一個唔准出聲既箭靶 =.= 放學去配眼鏡 聽日就有得拎囉 XD 以下係補番之前既 =o= 11月3日 今日阿沛約左我去佢個fd到打牌 0o0 嘩~原來佢個fd就係住o係我地中學果陣時聯歡會龍鼓灘果到隔離 好近~ 阿沛個fd屋企有3層 門口有一塊ok大既空地 可以拍到2-3個車位 果塊空地養左兩隻狗仔 但係唔知品種 3個月大 已經有兩塊幾三塊街磚咁大 果到仲有養左6隻貓 隻隻貓都傷痕累累~ 呢次打牌終於到我有胡食啦....哈哈 打打下牌阿沛個fd見到佢門口果兩隻狗係到咬緊d咩野 出去睇一睇 原來就係阿沛隻[默] 兩隻狗仲一路咬一路扯 隻[默]穿晒龍 鞋都比佢地玩到爛晒 打到7點靚鐘到就走囉 之後出左荃灣買鞋 買完沛沛仲要即將上車著 著住返屋企 ^~^ 11月2日 阿沛今日同我返學返9點 好在佢返到去入到a班玩 同阿沛玩玩下sms突然sd左句話朱咪咪講阿沛同村叔行埋左2個月 睇完o晒咀.... 唔知比咩反應之後上左a班搵人吹水 點知村叔攬住我講左d唔係咁好聽既野 搞到唔知笑好定嬲好..... 放左學之後去同阿沛買野 村叔都有去 買完野就返青衣 等沛食完飯就過左熊貓打機 打完就返青衣坐左陣歸家囉 0o0 村叔~句野真係唔係咁好聽..... 11月1日 同沛返學 今日我上IT佬同伍sir堂 IT佬叫我同阿健 叫做俊少同健少 我地邊到咁當呀...路兒少~ XD放左IT堂之後就走左rt 去左接阿沛個表妹柔柔放學 送柔柔返到屋企之後就去左奧海做保鑣 =.= 有我 阿沛 威威 阿琛同marco一齊去做.... 做保鑣都要好好運動量嫁 XD 做完運動 去左食小丸子 好好咬口呀 用湯圓皮整到細細粒咁 但係冇料既入面 非常有口感 正~ 食完野就去左冒險樂園扔銀仔 咩都扔唔到呀我 =.= marco就扔左好多芝士圈返黎....一人一包咁返屋企~ 10月31日 今日係阿jo返學既 last day啦 我地去左天幕暑餐廳到食野 食完野 阿沛 sinman 女教師 唱歌比阿jo聽 阿jo聽到忍唔住喊左出黎 埸面感人 之後就一班去同阿jo影貼紙相 又去同佢買衫 買完衫之後就同阿jo講byebye囉~ 唔知幾時先見到 雖然唔係話識左好耐 但係都算是朋友 10月30日 哈佬喂~我黎啦~第一站我地就係皆屋等齊人係果到先玩大富翁 又玩數獨 食埋個lunch大約4:00鐘先走 走左去搵威威同阿秋 之後就去左搭車 係車上面已經開始係咁影相囉佢地 去到海洋公園就等阿健同阿祺係後門返上黎正門 終於人齊了 入得去玩囉 首先去左個焚化爐果到玩先 玩完出返黎阿沛 女教師都叫到要飲水 飲完就去玩第二個 第二個係衙門 呢個好勁 好好玩 不過好玩還好玩 阿沛玩到咳得好西利 要等等先再去玩鬼屋 之後就搭纜車上左出玩 諗住上山好玩d 點知有個仆街電鋸佬出黎鋸損左阿沛=.= 鋸完就鬆左人......搵佢又搵佢唔到 好9.......上左山玩左過山車 摩天輪 之後就再去玩鬼屋 荒廢校園 完呢個 走左去玩海盜船 係果到有個韓國仔(都唔知佢係佬定係仔啦 = = )佢係到打粒啲出黎比人睇 仲要摸阿沛隻手 =.=呢樣先衰....哈哈 睇完個變態佬就去左玩跳樓機 個跳樓機好陰的 停左等佢落 佢又唔落 等得唔耐煩佢又突然之間落 勁激!! 玩完呢個又去左玩滑浪飛船 唔知點解阿沛玩完之後好似冇玩過咁出番黎 濕都唔濕下 XD 濕完就去左玩報紙話最爽果個鬼屋 可能因為我地係跟o係人地後面知道晒前面邊到有鬼彈出黎所以都冇咩好玩 玩完呢個 再影下相就正式離開海洋公園 落番mk食野 搭車番屋企囉~ | 
